Unai Emery ka konfirmuar se nuk ka në plan për të përzgjedhur mesfushorin Granit Xhaka në ndeshjen e Arsenalit të shtunën kundër Wolves.

Kapiteni kosovar i klubit u largua nga fusha gjatë barazimit 2 me 2 ndaj Crystal Palaces pasditen e së dielës duke ofenduar tifozët vendas dhe duke hedhur shiritin e kapitenit në fushë, transmeton portali arbresh.info.

Xhaka lëshoi një deklaratë mbrëmjen e së enjtes (31 tetor) duke dhënë një shpjegim, por Unai Emery ka thënë se 27-vjeçari nuk do të jetë pjesë e skuadrës për ndeshjen ndaj Wolves.

“Ai është duke u stërvitur. Ai nuk luajti në Liverpool dhe për mua ai do të vazhdojë kështu [nuk do të luaj], mbi të gjitha ne jemi të fokusuar për ndeshjen e nesërme”, ka thënë Emery në konferencën për shtyp para ndeshjes.

“Problemi i Xhakës është një çështje që i duhet kohë. Atij i duhet kohë për t’iu kthyer normalitetit”

“Ai ka kërkuar falje, ai i kërkoi falje tifozëve dhe të gjithëve. Tani fokusi është në ndeshje”

Ndeshja mes Arsenal dhe Wolves luhet të shtunën duke filluar nga ora 16:00./arbresh.info/